भानुका सिर्जनाहरु : तीन मुक्तक

तीन मुक्तक

तिम्रो न्यानो मायाको तृष्णा जागै छ अन्तै फूल्ने सपना कसरी देखुँ म ?

हरपल तिम्रै खोजि गर्ने यी नयनमाथि कुन लोभको पर्दा हालेर छेकुँ म ?

मेरो मन-मुटूमा तिम्रै हाली-मुहाली चल्दैछ अझैपनि हरेक पाईलाहरुमा,

यै हालमा तिम्रो नामोनिशान मेटाई दिलमा अरुकै नाम कसरी लेखुँ म ?

तिमी जस्तै तिम्रा याद'नि टाढा गए हुन्थ्यो,

तिम्रै यादले जल्या छाती निको भए हुन्थ्यो ।

अनि पो त जिन्दगी-ले असल उधम गर्थ्यो,

उधम गर्ने लोभले जीवन मंगलमय हुन्थ्यो ।।

दिलमा सजाई सधैं तिम्रो पूजा गर्न पाए,

खाली तिम्रो सिउँदोमा सिन्दुर भर्न पाए ।

आहा कति स्वर्णिम बन्थ्यो मेरो जीवन,

सुखदु:ख बाँडीचुडी संगै जंघार तर्न पाए ।।