गजल

टुक्रिएको सपना सिलाउँछन् यहाँ कोही मान्छेहरु,
आशामाथि जहर पिलाउँछन् यहाँ कोही मान्छेहरु ।

यात्रासँगै गरौ भन्ने कति छुटी जान्छन् दोबाटोमै,
माया गर्दा पीडा दिलाउँछन् यहाँ कोही मान्छेहरु ।

माना पाथी तुलो पार्नुहुन्न तल माथी भन्ने सुन्थे,
भर्दा जोख्दा मुठी हिलाउँछन् यहाँ कोही मान्छेहरु ।

धनको भोका देखे जताततै त्यसैले त हिजोआज,
शुद्धदुधमा पानी मिलाउँछन् यहाँ कोही मान्छेहरु ।

घैटाभित्र घामले छिरेपछि आफ्नै मनको बैरी हुँदै,
पश्चतापले जलि बिलाउँछन् यहाँ कोही मान्छेहरु ।।

०३ मे २०१२
दोहा, कतार ।

Labels: गजल