तिमीसँगै यात्रा गर्ने

दुईदिनको जिन्दगीमा यो मनले तिम्लाई चुन्यो,
तिमीसँगै यात्रा गर्ने यो आँखाले सपना बुन्यो ।

तिम्रो मेरो नाता जोड्ने त्यस्तो कुनै मन भए,
त्यो मनलाई देव सम्झि सधै सधै पूज्ने थिए ।
तिमीमात्र मेरो आफ्नो यो मनले यस्तै सुन्यो,
तिमीसँगै यात्रा गर्ने यो आँखाले सपना बुन्यो ।


तिम्रो यादमा कयौ पल्ट आफू एक्लै रुँदै बसे,
आफ्नै रहर बैरी बन्दा छाँगाबाट कति खसे ।
अर्कैतिर धाउन खोज्दा यो मनले बाटो थुन्यो,
तिमीसँगै यात्रा गर्ने यो आँखाले सपना बुन्यो ।।

रचनाकाल : १८ बैशाख २०६८
दोहा, कतार ।

0 comments

Post a Comment