गजल
प्रभू तिम्रो शरणमा, एउटा भक्त परेकोछ,
मुक्तिमार्ग भेटाउने, विश्वास धेरै गरेकोछ ।
शैतानले राज गर्यो, त्यसैले मन बहकिए,
फूलजस्तो जीवनमा, निरासमात्र भरेकोछ ।
आफैमात्र मुस्कुराई, जीउछु भन्ने सपनाले,
पाप गर्न उस्काउदा, पाईला नर्क झरेकोछ ।
पाप कर्म गर्नबाट, मलाई अब बचाउनुस्,
पापै पाप कमाउदा, बैशालु आश मरेकोछ ।
मैले अति गरे भन्दै, चिन्तन गरे एकान्तमा,
आजै देखि मन्को डेरा, प्रभूकै घर सरेकोछ ॥
रचनाकाल : २८ अक्टोबर २०१०
दोहा कतार ।
0 comments