मायाँ गर्छु भनि मलाई, निर्मोहीले भर पारी,
रित्याएर मेरो मनलाई, मायाँ अन्तै सारी ।

सुख दुःख बाँडि चुडी, सँगै जीउने भन्थिन्,
एकै छिन ओझेल पर्दा, धेरै चिन्ता लिन्थिन् ।
उस्को न्यानो मायाँ पाउदा, गर्व गर्थे आफैलाई,
खुशी सारा लुटे पछि, भागिन् आगो सल्काई ।

मायाँ गर्छु भनि मलाई, निर्मोहीले भर पारी,
रित्याएर मेरो मनलाई, मायाँ अन्तै सारी ।

दुख्यो छाती टुट्यो सपना, रहर बाँझै भयो,
जित्नु पर्छ भन्ने आँट, उस्कै साथमा गयो ।
यति चोखो नाता तोड्ने, उस्को मन कस्तो
भरमा पर्दा त्यै मोरीको, जीवन भयो सस्तो ।

मायाँ गर्छु भनि मलाई, निर्मोहीले भर पारी,
रित्याएर मेरो मनलाई, मायाँ अन्तै सारी ।

रचनाकाल २५-जुन-२०१०
दोहा, कतार ।

0 comments