रंगभर्छु हाम्रो प्रीतमा
मेरो दिलको बगैचामा, फुलिरहु यसै गरि,
रंगभर्छु हाम्रो प्रीतमा, ईन्द्रेणीको सधै भरि ।
तिम्रै न्यानो अंगालोमा, मिठो सपना देखु,
मेरो मनको तरेलीमा, तिमीलाई नै भेटु ।
सजाएर राखे दिलमा, अटाउनु यसै गरि,
रंगभर्छु हाम्रो प्रीतमा, ईन्द्रेणीको सधै भरि ।
बाँचुन्जेल यो धरतीमा, तिम्रै साथ रहोस,
दुई दिनको जिन्दगीमा, यात्रा भिन्न नहोस ।
रमाउछौ मेरो जीतमा, जितिरहु यसै गरि,
रंगभर्छु हाम्रो प्रीतमा, ईन्द्रेणीको सधै भरि ।।
रचनाकाल : ०४ अगस्त २०१०
दोहा, कतार ।
0 comments