गजल

मलाई दुख्दा आँसु, झार्नेको खोजीमा छु,
सुनामी पस्दा पारी, तार्नेको खोजीमा छु ।

घमन्ड गर्छन् आँखा, आफैले जित्नु भन्दै,
ल तिमी जित भन्दै, हार्नेको खोजीमा छु ।

मान्छेको पापी मन, भड्किन्छ कुनै बेला,
भड्किदा मेरो दिल, बार्नेको खोजीमा छु ।

बन्जर बन्यो छाती, फूल्दैनन् यता मायाँ,
ममता राखी मायाँ, सार्नेको खोजीमा छु ।

तड्पिन्छ खुशी आफै, सपना सस्तो हुँदा,
संसारै भूल्दै आशा, खार्नेको खोजीमा छु ।

गलत बाटो हिड्दा, सत्मार्ग छानी तान्दै,
स्वर्णिम मेरो आत्मा, पार्नेको खोजीमा छु ॥

रचनाकाल : १० भदौ २०६७
दोहा कतार ।

Labels: गजल