गजल

आउँछौ भने मेरो लागि, स्वर्णिम शहर बोकि आउ
बन्जर भयो छाती मेरो, ओसिलो नहर बोकि आउ

यो मन खोज्छ निदाउन, मीठो सपना सिरान हालि
जाग्राम बस्या धेरै भयो, स्वप्निल प्रहर बोकि आउ

गजल भयो धेरै खल्लो, झंकार बिनाको संगीत झै
झंन्कार थपौ भन्ने लाग्यो, उत्तम वहर बोकि आउ

तिमीले केही गर्नु पर्छ, झेलमा जीउछु भन्छ मान्छे
सखाप पारौ पापी बस्ति, सुनामी लहर बोकि आउ

पाउँदा तिम्रो साथ मात्र, मलाई जीउन मन लाग्छ
साईनो तोडि जान्छौ भने, पिउछु जहर बोकि आउ ॥


रचनाकाल : २४ असार २०६७
दोहा कतार ।

Labels: गजल