हिजो पनि हारेकै हो, फेरि हार्दा के हुन्छर ?
दुख्नु परे दुखि दिन्छु, मैले दुख्दा को रुन्छर ?

जोड गर्छु घटाउ गर्छु, तिम्रै मायाँ बढि लाग्छ,
तिम्रो छेउ बस्न पाँउदा, सारा पीडा आफै भाग्छ ।
स्वार्थी मान्छे बस्ने भिडमा, तिम्रै भर बढि लाग्छ,
तिम्रो साथ पाँउछु भने, धेरै माथि पुग्छु लाग्छ ।
हिजो पनि टुटेकै हो, फेरि टुट्दा के हुन्छर ?
दुख्नु परे दुखि दिन्छु, मैले दुख्दा को रुन्छर ?

तिमी बस्ने दिलमा मैले, अरु राख्न सक्दिन म,
खुशी अन्तै मिल्छ भने, रोकि राख्न सक्दिन म ।
मेरै भाग्या खोटो भन्छ्, धोका दियौ भन्दिन म,
मायाँ गर्छु तिम्लाई सधै, मायाँ मार्न सक्दिन म ।
हिजो पनि जलेकै हो, फेरि जल्दा के हुन्छर ?
दुख्नु परे दुखि दिन्छु, मैले दुख्दा को रुन्छर ?

रचनाकाल : ३१ जुलाई २०१०
दोहा, कतार ।

0 comments