जति सक्छौ बुने हुन्छ, फसाउने जाल अझै,
सक्ने जति खने हुन्छ, डुवाउने ताल अझै ।

जूनी जूनी चोखो मायाँ, तिमीलाई गर्छु जाली,
छुरा हानि दिए हुन्छ, रुवाउने छाल अझै ।

हाँसि हाँसि तिम्रो लागि, बदनाम हुन सक्छु,
भेला राखी लाए हुन्छ, होचाउने गाल अझै ।

खुशी लुटि लग्यौ पापी, मायाँ गर्ने बहानामा,
दुःख पर्दा माने हुन्छ, बचाउने ढाल अझै ।

हारी दिन्छु तिम्रो लागि, जितिरहु अब सधैं,
शकुनी झै थापे हुन्छ, हराउने खाल अझै ॥

रचनाकाल : १० जुलाई २०१०
दोहा कतार ।

0 comments